"Diyan ka talaga magaling, ano? Ang tumakas."
Itinutok ko ang tingin ko sa mukha ni Dos. Nakipaglabanan ako ng titig g sa kaniya.
"Umalis ako nang dahil sa iyo. Ayaw kong masira ang buhay mo na ng dahil sa akin!"
Nakita kong kumunot ang noo ni Dos na parang nag-iisip. Pagkatapos ay biglang nag-iba ang mukha niya. Nagulat na lang ako nang hilahin niya ako papunta sa isang cabin. Pinihit niya ang door handle at bumukas iyon.
"Buti na lang at nakabukas," narinig kong sabi niya, pagkatapos ay ini-lock niya ang pinto mula dito sa loob.
This time, ako naman ang nag-isip.
"Ano'ng ibig mong sabihin? Hindi ito ang cabin mo?" nagpa-panic kong tanong kay Dos.
Sinubukan kong hilahin ang braso kong hawak pa rin niya.
"Ano'ng gagawin mo sa akin? Nandiyan lang iyong babae mo sa kabilang
