Magkausap kami ni Julian nang dumating si Dos para sunduin ako sa dinner. Ngayon kasi ang huling araw ng mag-asawang Pierro dito sa Zaragoza. Bukas ay babalik na sila sa Manila.
Agad na nag-iba ang aura ni Dos nang makita si Julian. Napailing na lang ako. Seloso!
"Sige na, Julian. Bukas ko na babasahin 'to. Doon kasi kami maghahapunan ngayon sa Hacienda Lopez. Salamat na rin sa pagdala nitong mga mangga."
"Ay sige, Mam Jazz. Aalis na ako."
Nagkasalubungan pa silang dalawa ni Dos. Kita ko ang makahulugang tingin ni Dos kay Julian.
"Ang lagkit mo makatingin kay Julian, ah! Type mo?" pagbibiro ko kay Dos.
"What is he doing here?" busangot ang mukha na sagot niya.
"Dinala niya itong mga mangga na ibibigay ko sa Mama at Papa mo."
"Marami namang tauhan sa manggahan. Bakit siya? Hind
