"Contest na lang nga tayo, para ma-distract ako sa suot mo."
Pinamulahan ako ng mukha sa sinabi ni Dos. Ngayon lang ba nakakita ng naka-two piece itong lalaking 'to para mag-react nang ganito? Nagkunwari akong hindi ako naapektuhan sa sinabi niya.
"Ano'ng contest naman 'yan?" kalmado ko pang tanong.
"Paunahang lumangoy papunta doon sa harap ng falls, dun sa malapad na bato na 'yun."
Sinipat ko kung nasaan iyong sinasabi ni Dos na bato.
"Sige ba!" mabilis kong pagsang-ayon kay Dos nang makita ko iyong tinutukoy niyang bato.
Nasa ilalim iyon ng mismong talon, pero hindi doon direktang bumabagsak ang malaking volume ng tubig na galing sa itaas ng talon. Anggi na lang ng tubig ang tumatama doon sa bato.
"Game, ha? Walang atrasan."
Bahagya akong umismid. Ako pa ba ang hahamunin ni Do
