[Jazz]
Kumukuha ako ng mga damit ni Marthina, habang nakaupo siya sa ibabaw ng kama namin. Kumuha na rin ako ng bagong tuwalya niya sa lalagyan.
"Mimmy!"
Nilingon ko siya, at saka ngumiti sa kanya.
"Yes, baby?"
"Diddy?"
Nawala bigla ang ngiti ko. Paano ko ba sasagutin ang tanong ni Marthina? Kinagat ko ang ibabang labi ko, at saka ko pinilit na ngumiti sa anak ko.
"Diddy is working, baby," pangangatwiran ko na lang.
Ewan kung naintindihan ba ako ni Marthina. Nakatingin lang sa akin siya sa akin na tila ba iniisip iyong sinabi ko. Sana, hindi na lang niya naintindihan.
Kumurap-kurap siya, pagkatapos ay natuon ang pansin niya sa hawak kong damit niya at iyong cartoons na tuwalya niya na nakasampay sa balikat ko.
"Mimmy? Bath?" sabay turo niya sa tuwalya.
"Yes, baby. I will bat
