[Dos]
Magkatabi kaming nakaupo ni Jazz sa piano bench. Karga ko ang tatlong buwan na si Ceyon Jayden o CJ, habang tumitipa naman sa piano si Jazz.
"Sana mamana niya sa iyo ang pagkahilig sa music. Or else, masasayang ang pianong ito kung gagamitin lang nating panggatong sa asyenda," nakangiting sabi ko, habang titig na titig sa anak namin.
Huminto sa pagtipa si Jazz.
"Grabe ka naman... ang mahal-mahal ng pianong 'to, tapos gagamitin mo lang panggatong?"
"Joke lang, babe... hindi ka na manbiro," sagot ko sa kanya, at saka ko mabilis na hinalikan si Jazz sa mga labi niya.
"Ayaw mo ba siyang sa sports mahilig, katulad mo?" tanong sa akin ni Jazz.
"Pwede naman..."
"O baka magmana sa mga lolo niya. Parehong nasa politics."
"Okay lang... kahit ano. Kung politics, huwag lang siyang mag
