Kabanata 28:
Masaya akong nakarating sa bakery nang dahil kay Ate Sol. Somehow, even though I can still see those evils behind each person I passed by, naging maayos pa rin ako. Kahit na narinig ko pa nga iyong sa babaeng nakasalubong ko kanina, ayos lang din. Masaya ako dahil hindi natakot si Ate Sol sa kung anong kakayahan ang mayroon ako. Masaya ako na kahit papaano ay may isa na sa mga minamahal ko ang nakakaalam. And I am planning to tell this to all of them, sa mga empleyado ko.
"Good morning ma'am! Ang ganda yata natin ngayon?" Nakangising sabi ni Marlon sa akin.
"Oo nga, mukhang good mood ka na! Sa wakas at hindi ka na umiiyak," dagdag pa ni Bella.
Ngumiti ako at saka naupo sa lamesa kung saan sila nagsasalo-salo. Si Rayven ay malapad ang ngiti habang si Morris naman ay seryoso
