"Ah, wala 'yon hindi naman siguro kailangan malaman mo pa 'yon at pasensiya ka na pala sa mga nangyari, Tiny. Talagang sobra akong nag-alala ng makita kitang karga-karga ni Sky," sinsero niyang sabi at nababatid kong nalungkot ito para sa akin. "Pagpasensiyahan mo na rin si Kristina. Mabait naman 'yong si Kristina kaya lang pagdating kay Sky ay masyado niya itong binabakuran," patuloy niyang paliwanag sa akin.
Ngumiti ako ngunit hindi iyon umabot sa aking mga mata. "Sa totoo lang ay hindi ko alam kung ano ang isasagot ko sa 'yo. Wala naman talaga akong balak na patulan si Kristina pero hindi ko na matiis ng gabing 'yon dahil sumusobra na talaga siya. Nilait-lait naniya ako at kulang na lang ay tapak-tapakan niya ang buong pagkatao ko," saad ko sa kaniya at denepensahan ko ang aking saril
