Nagkakasiyahan ang lahat at wala kaming ibang ginawa ni Kristina kundi kausapin ang mga bisita at magpasalamat dahil sa pagbati nila sa amin.
Natatanaw ko ang mga kaibigan ko kasama ang mga nobya at asawa nila na nakaupo sa isang mataas na mesa habang sila ay nag-uusap. Nang lumapit ako sa kanila ay mayroon akong napansin. Lahat sila ay masaya sa akin at paulit-ulit akong binibiro. Maliban na lang kay Red na kanina pa ako nito hindi pinapansin at kinikibo.
Nararamdaman kong nagtatampo siya sa akin at hindi ko rin ito masisisi dahil pagkatapos niyang gumawa ng paraan para magkaayos kami ni Tiny ay binaliwala ko lang ang lahat.
Naiilang man ako sa sitwasyon namin pero pinilit ko na lang na maging kaswal sa kaniya kahit para na akong tanga dahil hindi naman niya ako kinakausap.
Sa tuwin
