SKY POV
"Babe, tumawag sa akin si Mariela. Bakit 'di mo raw sinasagot ang tawag niya?" Malakas kong sigaw sa kaniya dahil naliligo pa ito sa banyo.
"Pakisabi naliligo pa ako."
Binalik ko ang atensiyon sa kausap ko at natatawa ako sa mga reklamo nito. Mamanhikan na ang boyfriend nito at kahit ilang beses na nitong pinapaalala sa amin ay palagi niya pa ring binabanggit. Ayaw daw niyang makalimutan namin kaya nito inuulit-ulit ang okasyon. Napailing na lang ako at mahinang natatawa dahil paano pa namin makakalimutan kung palagi nitong pinapaalala.
"Mariela, naliligo pa ang Ate Kristina mo, pero 'wag kang mag-alala dahil darating kami," saad ko sa kaniya bago ko pinutol ang tawag.
Sinadya niya talaga na sa araw ng linggo gaganapin ang pamamahikan. Abala daw kasi sa negusyo ang fiance ni
