“Handa na ba kayo?” tanong ni Huang Changming nang buksan ni Zhuen ang pintuan ng kanilang silid. “Oh~” kaagad na bulalas ng matanda.
Hindi niya akalain na ang tatlong babaeng pinatuloy nila ay may angking ganda kapag nabihisan ng maayos. Maganda sila, oo, kahit noong una pa lamang niyang makita sina Li Muen ngunit ngayon ay hindi siya makapaniwala dahil nakapag-ayos na ang mga ito.
‘Hindi ko akalain na may igaganda pa pala ang isang tao kung hindi ko pa nakikilala ang tatlong ito. Sa kutis pa lamang nila alam ko na may kakaiba sa kanila. Hindi ko na lamang pinansin dahil mukhang hindi naman sila masamang tao,’ sambit ni Huang Changming sak aniyang isipan.
Nang makalabas na sila sa bahay ni Huang Changming ay kaagad naman din napansin ng tatlo ang pananahimik ng paligid. Sa hindi mala
