Maaga pa lamang ay nag-ayos na sina Li Muen, Yaoyao, at Zhuen para sa pag-alis nila. Kikitain sila nina Gao Hou at Chen Tao sa labas ng bahay ni Huang Changming upang ihatid sila papunta sa bahay ni Zhou Yue.
Sa mga oras na iyon ay hindi alam ni Li Muen ang kaniyang mararamdaman. Hindi niya alam kung dapat ba ay kabahan siya, maging masaya, or iiyak dahil sa hindi niya alam kung ano ang magiging reaksyon ni Zhou Yue kapag nalaman niya ang dahilan kung bakit siya pinuntahan ni Li Muen.
“Miss…” tawag ni Yaoyao at nilingon naman siya ni Li Muen. “Kapag po ba umalis na tayo rito sasabihin mo po ba kina lola Changming kung sino ka talaga?” tanong nito.
Napatingin din naman si Zhuen dahil sa tanong ni Yaoyao. Ito rin ang gusto niya itanong kay Li Muen noong gabi ng pagdiriwang sa central s
