Iminulat ni Li Muen ang kaniyang mga mata matapos niyang ilabas ang foul qi na nakuha niya sa loob ng kaniyang katawan. Kaagad din naman siyang tumayo sa kaniyang pagkakaupo at huminga nang malalim.
Hindi na niya kinakailangan pang tawagin si Zhuen dahil alam niyang hindi na ito magkanda ugaga sa paghahanap ng courtyard. Hanggang ngayon ay naghahanap pa rin sila ng matutuluyan nila nang pangmatagalan.
Matapos niyang maligo at mag-ayos sa kaniyang sarili ay kaagad siyang tumayo para magpunta sa kaniyang shop. Alam niyang ligtas ito dahil ang lima niyang tauhan sina Anguel, Lorean, Arzie, Michael, at Zhou ay naroon. Si Anguel at Lorean ang nakatoka sa kusina. Si Anguel ang nagluluto ng mga french fries at si Lorean naman ang gumagawa ng milktea. Si Arzie at Michael naman ang waiter at wa
