Sa mahigit anim na oras nilang paglalakad ay kinalkula ni Li Muen at Lily ang kanilang nakuha na crystal core. Mayroon silang dalawang daan at isang low level beast core, isang mid-level beast core, at isang high level beast core.
Ang dalawang daan at isang low level beast core ay nakuha nila sa pakikipaglaban sa red wolf pack, ang isang mid-level beast core naman ay nakuha nila sa kanilang pagtataya sa kanilang buhay laban sa blazing ape, at ang isang high level beast core naman ay aksidente lamang nilang nakuha.
Mayroong dalawang high level demon beast na nag-aaway sa kanilang teretoryo at pinanood ito nila Li Muen at Lily. Maingat silang dalawa dahil isang maling galaw lamang nila ay malilipat na sa kanila ang atensyon ng dalawang malakas na high level beast na kanilang pinapanood.
