Nang dumating na ang mga magiging estudyante ng Maqi Kingdom, Qiqi Kingdom, at Roxi Kingdom at tanging ang mga magiging estudyante lamang ng Xidi Kingdom ang hindi pa dumarating ay naging usap usapan. Kasama ng isang guro ang grupo nina Lin Xiao maliban kay Lim Lily kaya naman nagtataka ang mga ito na wala pa sila.
Hindi lamang iyon, ang Xidi Kingdom din ay mas malapit kaysa sa tatlo pang kingdom dahil ito ay kayang maabot gamit lamang ang karwahe. Dahil dito ay hindi na alam ni Lim Lily kung ano ang kaniyang gagawin sa dami ng nagtatanong sa kaniya.
"Pasensiya na hindi ko talaga alam. Hindi pa ako nakakatanggap ng sulat sa kanila tungkol sa kanilang paglalakbay. Tanging ang sulat nila na paalis na sila sa Xidi Kingdom ang natanggap ko noong isang araw," kaagad na paliwanag ni Lim Lily
