Naging usap usapan sa buong kampo ang pagdating ng grupo ng mapapangasawa ni Lin Jing. Hindi pa nila nakikita si Li Muen ngunit lahat sila ay humahanga na dahil sa kwento ng mga taong nakasaksi sa kung paano makipag usap si Li Muen kay Lin Jing at sa dalawang Li.
Lahat sa kampo ay takot kina Lin Jing, Li Junli, at Li Baejin dahil sa kanilang angking lakas. Ngayon na nasa kampo rin si Li Muen ay hindi na nakakapagtaka na isa rin ito sa katatakutan nila.
Base sa pagkwento ng mga nakasaksi ay isang maganda at eleganteng babae si Li Muen. Hindi lang 'yon, sinabi rin ng mga nakasaksi na nasa edad labing lima hanggang labing pito lamang si Li Muen ngunit isa na itong tunay na True Martial Realm. Iyon ang nagpanganga sa lahat.
Isang taon na nang makapasok si Lin Jing sa realm kung saan wala
