"Kapal ng mukha hindi ba? Tapos nagmamakaawa sila na tulungan daw ni Lily ang mga Lim na palitan ang mga Bai tapos hahanap daw sila ng paraan para maibalik si Lily sa registered book nila! Nakakairita!" galit din na singhal ni Qin Fan.
Natahimik si Li Muen at nakinig sa mga hinanaing ng kaniyang mga bagong kaibigan. Nalaman din niya na alam din ng mga Lim na kaibigan din ni Lily si Li Muen at noong unang beses na nalaman ito ng mga Lim ay sinisi pa nila si Lily dahil hindi kaagad nito sinabi ang koneksyon na mayroon siya kay Li Muen.
"Kapag ang isang pangalan ay inalis sa registered family book, kung hindi muli ipapanganak si Lily ay hindi siya muling maisusulat doon," sambit ni Lin Xiao at nangalumbaba.
Isinandal naman ni Li Merna ang kaniyang ulo sa kanang balikat ni Lin X
