“She’s not okay, Louie. I know! I’m a doctor too. Sa unang tingin ko pa lang kay Mikaela, nang nagmulat ang kanyang mga mata, may karamdaman siya. Alamin mo kung ano man ‘yun,” bungad at paliwanag ni Vince. Tinapik pa niya ang balikat ni Louie. Natakot, kinabahan, nalito, at nagulo ang puso’t isipan ni Louie dahil sa sinabi ni Vince. Para sa kanya, may punto ang kanyang matalik na kaibigan. Bakit sila kailangan palabasin ng doktor, kung walang tinatago si Mikaela?
Para hindi muna siya mag-isip ng mga negatibo, niyaya na lang niya muna si Vince pumunta sa nursery room kung saan naroon ang kanyang anak. Ilang hakbang lang naman ang layo ng nursery room sa private room ni Mikaela. Kaya mabilis lang nilang narating ito. Sakto rin na nakabukas na ang kurtina. Matamlay niyang pinagmasdan sina
