KAHARAP nina Louie at Richard ang dalawang madre at si Aling Rosa. Inutusan muna nila si Mikaela na asikasuhin ang mga bata, dahil may nais na sabihin si Louie na hindi dapat marinig ni Mikaela. Katulad ng sabi ni Vince, kailangan niyang mag-isip ng paraan o magandang plano para maiuwi si Mikaela. Subalit, hindi iyan ang naging intensyon ni Louie.
Ngunit, bago pa simulan ni Louie ang kanyang hiling, ipinakilala muna siya ni Aling Rosa sa mga madre, na anak niya. Na natagpuan na ni Aling Rosa ang matagal na niyang hinahanap na anak. Natuwa naman ang madre at nagdasal. Nagpasalamat silang lahat sa Diyos. Nagkaroon na rin ng pagkakataon si Louie na kausapin ang kanyang ina at ang mga madre.
"Sabihin mo iho, kung ano ang nais mo?" nagsalita ang madre nakaupo sa kanyang harapan. Habang ang is
