TAHIMIK si Louie at Mikaela sa loob ng sasakyan habang binabaybay nila ang daan patungo sa hotel ni Louie. Nakikinig lamang sila sa musika na tumutugtog. Marahil, nag-iisip silang pareho. Hindi sila makapaniwala na pareho, na pinagtagpo muli sila ng tadhana. Isa lamang siguro ang ibig sabihin nun, ay ang sadyang silang dalawa talaga ang magsasama habang-buhay. Na kailangan ay kanila ng pangalagaan.
Gustong kausapin din ni Louie si Mikaela ng masinsinan, nang sila lang dalawa. Iyong tipong walang makikialam sa magiging desisyon nila. Maraming bagay na nais sabihin at ipaliwanag si Louie kay Mikaela. Kung dati ay ayaw ng balikan ni Louie ang nakaraan, subalit ngayon ay iba siya. Gusto niyang magpaliwanag kay Mikaela kung bakit nagawa niyang ilihim ang lahat na siya ang tunay na ama ng kanil
