NALULUHA ang mga mata ni Mikaela. Hindi niya alam kung ano ang isasagot niya kay Louie. Dahil sa bugso ng apoy na nararamdaman ng kanyang puso, hindi na niya napigilan ang yakapin nang mahigpit ang kanyang mag-ama.
“Ibibigay ko sa ‘yo ang kahilingan mo, Louie. Patawarin mo ako!” bulong ni Mikaela sa binata. Nagtaka naman si Louie kung bakit ganun ang mga salitang binigkas ni Mikaela.
“Sa tono ng pananalita mo ay— “
“Oo, Louie. Ngayong nandito kayong lahat sa harapan ko, sa tabi ko, naaalala ko ang lahat.” Sa gulat ni Louie sa naging kasagutan ni Mikaela, naitulak pa niya ito palayo sa kanya.
“Hindi ka nagbibiro?” sinigurado ni Louie kay Mikaela. Nabalisa naman ang lahat sa naging galaw ng dalawa.
“Ano ang nangyayari sa inyo?” singit ni Lily. Humarap kaagad si Mikaela kay Lily at R
