Nagising si Jetro dahil sa lakas ng katok sa labas ng kaniyang kuwarto. Mula sa labas ay dinig na dinig niya ang sumisigaw na ina.
"Pumunta kayo sa morgue. Nakahanda na ang mga bodyguard at ang driver sa baba," humahangos na sabi ng kaniyang ina pagkabukas niya ng pintuan.
"Mom, patulog na sana ako," reklamo niya. Ngayon lang siya nakaramdam ng pagkaantok makalipas ng tatlong araw na pag-aalala sa nawawalang asawa.
"Puntahan mo na. May nakapagsabi na may naaksidente daw na isang modelo at dinala ang labi sa morgue..."
Hindi makapaniwala si Jetro sa kaniyang narinig. No!
"Is this some prank?" balisa niyang tanong. Nanginginig ang kaniyang katawan. Kulang na lang ay bumagsak siya sa sahig sa biglang panghihina.
"Puntahan mo na!" utos ulit nito sa kaniya.
Natataranta siyang umal
