Bumuntong hininga ako at naupo sa kama, sa tabi ng kaniyang maleta at mga damit na sinisimulan niyang i-empake.
Daig ko pa ang girlfriend o asawa sa itsura ko ngayon dahil sa lungkot na nararamdaman ko.
Isang linggo lang naman iyon pero namimis ko na siya agad ngayon pa lang. Hindi pa niya ako pinauwi. Sabay kaming nag-almusal kanina at sabay na din daw kaming aalis ng condo niya.
Mag-de-deliver ako ngayon kay Mrs. Salud kaya idadaan na lang daw ako ng driver niya sa mall, na meeting place namin ni Mrs. Salud.
"What's with the face?" tanong niya sa akin. Hininto niya pansamantala ang pag-aayos ng mga damit niya sa maleta at tinabihan ako.
Ngumiti lang ako at umiling. Baka kasi mamaya sabihan ako na masyado na akong o.a at feeling na may relasyon kami. Hindi ako dapat maging ganito
