Alas-sais ng gabi at katatapos lang naming mag-shoot para sa slimming coffee drink promotional video.
"Hindi ka ba sasama, Lia?" tanong ni Alex habang inaayos ang gamit sa duffel bag na dala. Nagkayayaan kasi silang mag-vikings ngayon.
"Next time na lang. May pupuntahan pa kasi ako, e," tanggi ko. Nag-text kasi si Ate Tasha at pinapapunta ako sa kanila.
Sinukbit ko sa aking balikat ang bag. Nagpaalam na ako sa buong team. Mabuti at may nakaantabay na grab sa labas ng Sofitel kaya nakasakay ako agad.
Kakagaling lang nina Ate Tasha at Kuya Adrian sa kanilang honeymoon. May mga binili daw si Ate para sa akin kaya pinapapunta ako du'n. Sakto din na may sasabihin ako sa kaniya tungkol sa mga bagong macrame designs na nagawa ko.
Alas-otso na ng makarating ako sa kanila. May mga nakap
