Tahimik lang kami habang nasa biyahe pauwi sa bahay. Nagprisinta siyang ihatid ako dahil nakauwi na ang driver niya.
Hindi ako matutulog sa kaniya ngayon dahil may international call daw siya sa isang kliyente bandang alas-dies ng gabi.
Napakagaan ng pakiramdam ko ngayon. Alam ko na hindi maganda ang pinasok ko pero naniniwala akong hindi ako mabibigo. Magtatagumpay akong paibigin siya.
Nakakalungkot lang na dalawang araw lang kaming magkakasama.
Gusto ko mang humirit kaso alam kong hindi puwede. Ayos na sa akin ang ganitong set up.
Masaya na din ako.
"Thank you sa paghatid," pasalamat ko nang ihinto niya ang sasakyan.
Luminga-linga siya at para bang tinitignan niya isa-isa ang mga katabing bahay.
"Are you safe here?" tanong niya.
"Oo naman. Mababait ang mga kapitbahay. A
