MAHIMBING ng natutulog ang mga bata ngunit gising na gising pa rin ang diwa ni Ferlyn ng mga sandaling iyon. Nang sulyapan niya ang wall clock sa silid nila ay alas onse na ng gabi.
Maingat siyang bumangon at nagpunta sa kusina para magtimpla ng gatas. Baka makatulong iyon para makatulog agad siya. Nang makapagtimpla ay naupo siya sa may silya sa may hapagkainan at doon ay uminom ng kaniyang gatas.
For five years, sa kabila ng pagiging mag-isa sa pagtataguyod ng kaniyang mga anak, nakayanan naman niya at sinisikap na kayanin pa.
“Mama, may nanloloko po sa amin sa school. Wala raw po kaming tatay,” naalala ni Ferlyn na sumbong sa kaniya ni Fey noong nakaraang araw.
Isa sa ikinababahala niya ay ang dumating iyong panahon na may mam-bu-bully sa kaniyang mga anak na walang tatay. Kaya nama
