KATULAD ng mga damdamin nina Ferlyn at Gavin, payapa na rin ang buong paligid. Wala ng maririnig na mga patak ng ulan sa bubungan ng tent. Wala na ring kulog at kidlat. Ang tangi na lang maririnig ng mga sandaling iyon ay ang mga hampas ng alon sa pampang.
Nakatagilid si Ferlyn ng higa patalikod kay Gavin. Gising pa siya at hindi magawang makatulog habang kipit sa kaniyang dibdib ang kumot. Sa ilalim niyon ay ang hubad niyang katawan.
Mariin siyang napapikit. Ano ba ang mayroon sa tent at doon na naman may namagitan sa kanila ni Gavin?
Kagat ang ibabang-labi na nagmulat siya ng mga mata.
Pero hindi niya maikakaila ang masarap na pakiramdam na ipinaranas sa kaniya ni Gavin na hindi niya lubos akalain na sobrang na-miss niya. Ramdam na ramdam pa rin niya sa kaniyang kaselanan ang kahabaa
