NAIRAOS nang maayos ang house blessing para sa beach mansion nina Gavin at Ferlyn. Nagkasiyahan din sila sa may beachfront. Kasama ni Gavin na tumugtog ng gitara ang mga mangingisda na nakasama nito noong mangharana sa kaniya. Kumanta rin si Gavin para sa kaniya na sobrang ikinatuwa ng mga anak nila at mga magulang ni Gavin. At siya? Hindi niya maiwasan na kiligin ng husto.
Sino ba naman ang hindi kikiligin kung kantahan ka ng minamahal mo sa harap ng maraming tao? Isa pa, damang-dama niya ang pagmamahal ni Gavin habang kumakanta ito.
Buhat sa may pool area kung saan kitang-kita ang mga abala na tao sa pag-iimpis ng mga ginamit para sa catering ay tahimik na nilapitan ni Ferlyn si Gavin.
“Ang dami mong napasaya ngayong araw,” ani Ferlyn kay Gavin habang ang kaniyang tingin ay nasa mga t
