MAY MUNTING ngiti sa labi ni Ferlyn na hindi niya magawang supilin. Baliw na nga yata siya dahil maging ang puso niya ay natutuwa sa panibagong hamon sa kaniya ng buhay-pag-ibig. Piping hiling niya na sana, mag-workout ngayon at hindi matulad sa nakaraan niya. Na sana, hindi madaling matukso ang isang Gavin Roussel sa ibang babae.
Dalawang patong ng comforter ang inilatag niya sa sahig ng kaniyang silid sa may gilid ng kaniyang kama. Doon niya balak na patulugin si Gavin kung hindi ito kumportable sa kaniyang kama. Nilagyan na rin niya roon ng dalawang patong ng unan. May kumot din kapag nilamig ito.
Mabuti na lamang at ilang spare din ang kaniyang binili noong mamili siya ng gamit sa kaniyang aparment.
Nang marinig ang pagtikhim si Gavin ay napalingon siya rito. Nakasandal sa may hamba
