KAYA BA kilalang-kilala ng marami sa circle of ex-friends ni Ferlyn si Gavin ay dahil sikat din ang pangalan nito dahil isa itong member ng UHB Leisure Club?
Ngayon niya napagtagni-tagni ang bagay na iyon. Pamilyar naman sa kaniya ang UHB Leisure Club, naririnig niya iyon noon pa man. Pero hindi lang niya mapagtuunan ng pansin o makisabay siya sa hype niyon dahil mas gusto niyang nakatuon lang ang focus niya sa kaniyang negosyo. At noong dumating din si Jino sa buhay niya, doon lang din halos umikot ang mundo niya noon.
Lalo lang siyang nalula sa katayuan ni Gavin sa buhay. Napapalibutan din ito ng mga kaibigan nito na kapuwa nito bilyonaryo. Literal na may gintong kutsara sa bibig si Gavin.
Napabuntong-hininga siya habang pinagmamasdan si Gavin na ngayon ay palapit sa kaniya. Nang mga
