“ARE YOU SURE, ayaw mong sumama sa beach mansion?” paninigurado pa ni Gavin kay Ferlyn kinabukasan.
May ngiti sa labi na umiling siya. “Nasira na ‘yong surprise mo sa akin dahil sa masyado akong nagduda at naghinala. Saka na lang ako sasama sa iyo papunta roon kapag tapos na. Para naman may thrill pa rin sa part ko na makita ang kinalabasan ng renovation ninyo sa beach mansion.”
“Naroon pa rin si Danna,” inporma pa nito sa kaniya.
“May tiwala naman ako sa iyo. Hindi na para samahan pa kita. Pupunta rin ako ngayon sa ihawan. May mga order kami para mamayang hapon.”
Gusto niyang ipakita kay Gavin na nagtitiwala siya rito. Kahit na may isang Danna na gustong manghimasok sa buhay niya… nila ni Gavin. Walang magandang kahihinatnan kung paiiralin niya ang selos. Hindi na rin sila bata ni Gav
