INABOT yata ng pagbibilang si Ferlyn hanggang bente bago nagawang pihitin ang doorknob sa kaniyang silid. Hindi niya alam kung paano na naman ba niya haharapin si Gavin na bigla na namang sumulpot sa mundo niya.
This time, without her permission.
Huminga muna siya nang malalim bago ipinasya na lumabas na rin sa binuksang pinto. May munting pasilyo ang kaniyang apartment. Ang tapat kasi ng silid niya ay may isa pang pinto na siyang pinto sa banyo. Kaya nang maglakad siya ng ilang hakbang pa ay sa may salas agad tumutok ang kaniyang tingin. Pero wala roon si Gavin. Napabilis tuloy ang kaniyang paghakbang.
Nakahinga lang siya ng maluwag nang makita ito sa may harapan ng kaniyang ref. Nakabukas ang freezer niyon at para bang nag-iisip pa si Gavin kung ano ang puwedeng kunin doon.
Salubong
