Ashley Alzalde
Napabalikwas ako sa kinahihigaan nang tumunog ang phone ko, tama pala may usapan kami ni Stacy ngayon.
Tumayo na ako saka sinimulang ayusin ang higaan nang maalala ko si Lance, dali-dali akong tumakbo palabas baka sakaling nagising 'yon at may hangover pa.
Eksaktong nasa may pinto pa lang ako ay napatigil na ako, agad akong napakapit sa pinto na wari bang naghahanap ng suporta na halos isandal ko na ang buo kong katawan, mariin akong napapikit saka sinuklay ang buhok, muli kong ibinuka ang mga mata parang umiikot ang paligid, nahihilo ako. Napahawak ako sa sikmura nang makaramdam ng panghahapdi, parang babaliktad ang sikmura ko, para bang pinipiga ang bituka ko awtomatikong napatakip ako ng bibig, agad akong bumalik sa loob ng kwarto saka patakbong tinungo ang banyo at du
