Ashley Alzalde
"Ashley!" nagising ako sa sigaw na 'yon.
"Ashley, bilisan mo naman, si Lance!" sigaw ulit ni Stacy, parang bumilis agad ang t***k ng puso ko, sa tono ng pananalita nito ay parang nagbabanta ng panganib.
Napahilamos ako sa sariling mukha sa ideyang bumalik nanaman si Lance, hindi ba talaga siya titigil?
Kailangan ko ng tapusin ang lahat sa amin, haharapin ko siya.
Lumabas ako ng bahay saka tinungo ang gate, naiinis ako na hanggang ngayon ay di pa rin tumitigil si Lance, nakakahiya na sa mga kapitbahay.
Di ko pa nararating ang gate ay nakasalubong ko na si Stacy, di to mapakali sa kakalaro nang sariling daliri na paminsan-minsan niya pang kinakagat.
"Namumutla ka? Takot ka?" sabi ko dito nang mapansing namumutla siya, kung sa bagay kahit sino'y matatakot sa ginagawang p
