GUSTO MANG ILAPAG ni Nikki ang kobyertos ng malakas para maistorbo ang mga ito sa tawanana, hindi niya magawa. Pero naiinis na siya. Hindi siya makakain ng maayos. Ang ingay nila sa sala. Si Sebastian na hindi matigil kakakausap sa bata. Si Vida na panay ang kuwento tungkol sa achievement ng anak. Kahit sino naman siguro proud. Pero naiinis siya.
Happy family lang ang peg?
Napangiti siya ng mapakla nang igala ang paniningin sa malawak na dining table, ang lungkot tingnan. Nag-iisa lang talaga siya. Marami ngang pagkaing nakahain, wala naman siyang kasabay.
Ang mga kasambahay kaya, kumain na? Si Cedric?
Tumayo siya kapagkuwan at pumasok sa dirty kitchen. Pasalamat siya dahil hindi na makirot maglakad. Walang tao doon pero nakaawang ang pintuan. Baka nasa likod ang mga kasambahay. Nagl
