“SEBASTIAN!” NAPANGIWI SIYA nang mabilis na inihakbang ang mga paa. Bahagyang napuwersa dahil binigla niya ang sarili para pigilan ang binata sa ginagawa kay Luka.
Kinuwelyuhan ni Sebastian si Luka at ngayon nga, nagsusukatan na sila ng tingin kaya pilit na isansaksak niya ang sarili sa gitna ng mga ito na nakaharap kay Sebastian.
“Nikki invited me to come here. I don't deem it trespassing,” seryosong sabi ni Luka na ikinasang-ayon niya.
“Kasalanan ko ito, Sebastian. Ako ang tumawag sa kan’ya na pumunta dito dahil kailangan ko ng gamot,” mahinahon niyang sabi.
Saglit na tumitig sa kan’ya ang binata bago nag-angat ng tingin kay Luka. “Yes, it is trespassing. I am the owner of this house, not her. Kuha mo ba? Lahat dapat may pirmiso ko. At dahil wala, trespassing ka pa rin,” matigas nas
