NAPABABA SIYA NG tingin sa tuhod niya nang makaramdam nang panginginig ng kalamnan. Nanlalamig din ang kan’yang mga kamay ng mga sandaling iyon. Hindi niya napansin na may kakaiba na pala siyang nararamdaman, napako na kasi ang tingin niya sa dalawa.
Paano ito nagawa ng asawa? At bakit sa mismong silid pa niya? Kaya nga hindi siya sa silid nito, dahil ayaw niyang may ibang babaeng nakakapasok sa silid na tinutulugan nilang mag-asawa.
Napaupo si Sebastian sabay hilamos sa mukha nito. Tumingin siya kay Gabby na humawak pa sa hita ng asawa dahil nakaluhod nga naman talaga ito.
Hindi na niya inalam ang reaksyon ni Sebastian dahil nagbaba na siya ng tingin.
Kita niya sa peripheral vision niya si Cedric, na hindi alam ang gagawin. Sapo nito ang bibig. Sumunod pala ito sa kan’ya. Ngayon lang
