NAPATINGIN SI NIKKI kay Hannah nang tanungin siya nito tungkol kay Sebastian. Hindi raw niya kasi kasama. Ang sabi niya nga lang, busy ang asawa.
Inisang hagod pa siya ng kasamahan. “Are you sure?”
“Yeah. Ako na ang bahala dito,” aniya at hinarap ang ginamit sa pag-ultrasound. Inayos niya rin nag kobre kamang bahagyang nagalaw.
Kakatapos lang niyang magpakonsulta kay Hannah. Gusto lang niya ipa-tsek kahit hindi pa niya schedule. Ramdam niya ang stress kasi. Ayaw niya lang maapektuhan ang batang nasa sinapupunan niya dahil sa pinagdaraanan nila ngayon ng asawa.
Pagkatapos niya ay inayos na niya ang sarili para maagang umuwi. Tumawag siya kanina sa ina, na doon kakain ng dinner dahil may mahalaga siyang sasabihin sa mga ito. Kung ayaw akuin ni Sebastian ang anak niya, ayos lang. Ang
