Tulak-tulak ni Lilith ang kanyang scooter papasok ng gate ng kanyang bagong apartment. Medyo maganda ang araw niyang iyon dahil nakuha na niya ang natagal na ring hinihintay na sahod.
Itinabi niya muna ang scooter sa isang sulok. Balak niyang dalhin sa talyer ng maaga para naipatingin sa kakilala niyang mekaniko na siyang pinagdadalhan niya ng scooter kapag may problema ito. Sa taong iyon ay halos nakawalong beses na niyang nadala sa talyer ang lumang scooter. Gusto man niyang papahingahin na ang kanyang katuwang sa paghahanapbuhay, hindi niya pa magawa dahil wala pa siyang maipapalit.
Ayaw niya namang manguha ng hulugan dahil tiyak na mas mapapalaki ang presyo at baka hindi siya makapaghulog ng dire-diretso. Hinuhugot pa naman nila kapag hindi nakakabayad agad. Ang iba pa'y kahit isang
