Gaya ng plano ni Lilith, inabot niya ang sampung libong pauna niyang bayad sa renta ngunit hindi tinanggap ni Rowena ang pera.
"Huwag ka na muna magbayad." Anito sa kanya ngunit nangulit pa rin ito.
"Kunin mo na po Tita. Nahihiya na po ako sa dami ninyong naitulong sa akin. Ayoko pong isipin ng iba na inaabuso ko ang kabutihan ninyo. Kaya sige na po, kahit iyong ibinayad mo lang po sa renta ko sa dati kong inuupahan. Sa susunod na sahod ko po magbibigay po ako ng renta ko po talaga." Pilit niya sa Ginang.
"Ang kulit naman. Itabi mo na lang 'yan para may panggastos ka." Tulak ni Rowena sa kamay ni Lilith na may hawak ng pera.
"Sige na po, ayaw ko pong may masabi po sila na masama dahil po tinutulungan ninyo po ako." Pilit niya ulit.
"Alam mo, huwag kang makinig sa mga iyon. Mga walang
