Lilith's Point of View
Dahil nga ayaw sumakay ni Janina sa kotse ng Kuya niya, napilitan akong kay Maverick nalang sumama. Gusto ko rin siya makausap tungkol bunsong kapatid niyang si Janina. Grabe ang iniyak kanina dahil sa mga sinabi niya sa bata.
Grabe naman kasi, ang bata pa para pagsabihan ng gano'n. Puwede naman niyang tulungan na lang maghanap tapos hayaan na niyang mamili ng gusto niyang isuot sa mga 'yon, kaso hindi e mas pinili niyang sungitan.
"Alam mo bang nagtatampo sa iyo si Janina? Mukhang nasaktan nang sobra dahil sa mga sinabi mo sa kanya." Umpisa ko nang makasakay na sa sasakyan at habang ikinakabit ang seatbelt.
Ini-start na ni Maverick ang makina ng kotse at hinintay akong makaayos muna ng upo bago niya pinaandar.
"Pansin ko nga. Nakaka-guilty nga e." Sagot ni Mave
