Lilith's Point of View
"Lilith magdala kang pang-swimming ha!"
Ang aga-aga ni Tita nag-doorbell para lang gisingin ako. May family outing daw kami at kasama ako.
Araw ng Linggo at araw ng pahinga ko. Maglalaba sana ako ngayon kaso baka mamaya na lang gabi. Ibababad ko na muna ngayon para kukusutin ko na lang mamaya pag-uwi namin.
Magdala raw ako ng pang-swimming. Wala akong swimwear. Ito na yata ang klase ng damit na ni minsan di ko naisipan bilhin sa tanang buhay ko. Bukod kasi sa hindi naman ako marunong lumangoy, e wala naman nagyayaya. Alam din kasi nila na hindi ako sasama kaya ayon, hindi na nila ako tinatanong.
Ang gulo ko ba? Kung oo, iyon na 'yon basta.
Pero kasi nga wala akong pang-swimming na damit. Hindi na lang ako maliligo. Magbabasa na lang ako ng stories sa Yugto, n
