Panibagong umaga nanaman. Kahit ilang oras lang ang tulog ng dalawa galing sa mahabang biyahe ay pumasok parin silang pareho sa kani-kanilang mga trabaho.
Maayos na ang scooter ni Lilith kaya naman hindi na sila magsasabay. Gaya ng dati, mas maaga siyang umalis kesa kay Mav. Si Maverick naman kasi'y alas otso pa talaga ang pasok sa opisina at kahit ma-late siya ay ayos lang dahil Papa naman niya ang boss di gaya ni Lilith.
Maaga siyang nakarating sa pabrika, marami na ang naroon at mas nauna ngunit kapansin-pansin ang mga problemadong mga mukha nila nang datnan niya at nagkukumpulan ang mga ito sa isang tabi at himalang walang grupo-grupo.
Nang makita siya ng isa sa kanila ay kinawayan siya't tinawag. Lumapit naman agad si Lilith sa kanila.
"Anong meron? Lunes na lunes pero gan'yan an
