Maverick's Point of View
Sinundan ko sila ngunit nanatiling may distansiya para hindi nila mahalata. Kinakabahan talaga ako. Hindi ko alam kung bakit. Diretso lang sila. Dalawang sasakyan ang pagitan ko sa kanila.
Dalawang sasakyan.
Lumiko ang isa at ngayon ay may isa na lang nang may biglang sumulpot na isa pang sasakyan sa isang kanto na ikinabigla nila Lilith dahil sa napakabilis nito. Mabuti na lang at nakapreno siya agad. Nakapreno rin ang sasakyan sa likod niya at ako na kasunod nito kung hindi ay tiyak na nabangga sila.
Binaba ko ang salamin ng sasakyan ko upang tignan ang lokong nagmamaneho ng sasakyan. Bumaba ang dalawang lalaki na nakasuot ng amerikano at nakita kong nilapitan nila sina Lilith at ang kaibigan nito. Sandali nilang kinausap ang babaeng kasama ni Lilith at maya
