"Ang tagal naman ng batang iyon," naiinip nang sabi ni Bilal nang hindi pa lumalabas si Maverick sa banyo.
Natapos na silang lahat nagbanlaw at nakapagpalit ng tuyong damit ngunit wala pa ito at siya na lang ang hinihintay nila para makauwi na ng bahay.
Kinuha na ang kinainan nila kanina ng dalawang waiter. Hindi na sila pinagbayad ng may-ari ay pinaabot na lamang ng mag-asawa sa dalawa ang pasasalamat nila. Naglinis na sila at tinapon sa tamang basurahan ang mga kalat nila at dinala na ni Bilal ang cooler sa kotse mag-isa at pagbalik nga nito'y wala pa rin si Maverick.
"Tagal naman talaga, uwi na sana tayo," segunda ni Rowena at may biglang naalala.
Kinalabit niya ang kaniyang mister at binulong kung ano iyon at mabilis na nilingon ni Bilal si Lilith na kausap si Janina. Niyayaya niya
