Lilith's Point of View
Walang mapagsidlan ng sayang nararamdaman ko ngayon. Napakabuti talaga ng mag-asawang Jha sa akin mula pa lamang noong umpisa at magpahanggang ngayon. Ayaw ko sanang tanggapin ang nais nilang ibigay na suportang pinansyal para makapagtapos ako ng pag-aaral kaso mapilit ang dalawa.
Sabi ni Tita, iniisip niya raw ang future ko. Ayaw niya raw maulit na apihin ulit ako ng mga tao. Ayaw niyang mapagkamalan akong katulong ulit at basta na lamang utus-utusan ng kung sino gaya nang nangyari sa resort dahil hindi raw lagi na may mga taong mabubuti na nasa paligid na handa akong ipagtanggol.
Tama naman siya. Hirap din akong makipagtalo sa mga tao dahil maliit nga ako tapos maliit din ang tingin nila sa akin. Hindi nalang ako lumalaban at nakikipagsagutan kasi mga taong wala
