Medyo late nagising si Lilith kinabukasan dahil napuyat siya sa sobrang ingay ng nasa kabila. Sumige nanaman kasi ang live broadcasting at may kasama ang kalabugan pagkatapos ng away. Mukhang nagkaayos naman dahil natahimik din sila pagdating ng madali araw. Napagod din siguro.
Mabuti na nga lang at hindi nakatabi sa dingding ang hinihigaan ni Lilith dahil kung oo ay daig niya pa ang dinadrum ang tainga kagabi. Laking pasasalamat na lang din niya at natuyo ang sinampay niyang damit kagabi dahil kapag nagkataon ay basa ang ang isusuot niya.
Hindi na siya naligo. Naghilamos na lang ng mukha at naghugas ng dapat hugasa. Nag-set siya ng alarm at nagising naman siya nito kaya lang ay muli siyang pumikit at pagdilat niyang muli ng mga mata ay bente minutos na lang ala siete na. Hindi na siya n
