ROSETTA FLORES
HINDI ko na hinigpitan mas'yado ang pagkakakapit ko sa mga tangkay nitong bouquet ng rosas dahil konting diin lang, paniguradong dudugo ang palad ko. Pumakla pa lalo ang ngiti ko. Ayaw ko sanang bigyan ng malalim na kaluhugan pero hindi ko maiwasan maalala na kapag sa tuwing nakakatanggap ako ng rosas sa kan’ya, kung may mga tinik, wala akong nakakapa dahil inaalisan n'y.
Lumakad na s’ya palapit sa kubo saka umakyat sa hagdan. Humugot ako ng malawig na hangin at mabilisang binuga bago ko s’ya sinundan sa kusina. Nasa itaas si Rocky, kasama ang anak ko at parang wala yata s’yang planong bumaba. “Sandali lang, boss. Maghahanda po muna ako ng maiinom n’yo…”
“Thank you,” kaswal n’yang tugon bago hinila ang bangko at inupuan. Dumiretso naman ako sa kinaroroonan ng thermos pa
