ROSETTA FLORES
MATAPOS ang mahabang paglalaba, umahon na kami sa sapa ni Rocky. Dumiretso s’ya sa kubo n’ya habang ako naman, sa tinutuluyan ni Boss Darion. Sinampay ko na ang mga labahan sa likod ng kubo. “Boss? Tapos na po ako… papasok ako ha? Ihahatid ko lang diyan ang basket…” Tinawag ko s’ya mula rito sa bakuran pero walang sumagot sa ‘kin. Umakyat na ako ng hagdan. Kumatok sa pinto pero parang wala naman s’ya roon sa loob.
Alas dyes na rin kasi ng umaga. Baka nag-trabaho na.
Iniwan ko na lang ang basket sa unang andana ng hagdan. Umalis na ako sa kubo n’ya. Habang naglalakad ako pabalik sa bahay ni Rocky, nangunot ang noo ko nang marinig ko ang tunog yata ng helicopter.
Napa-tigil ako sa paglalakad para makumpirma ko kung tama ang pagkakarinig ko at ang hina pa kasi. Sa minuto
