Napatango naman si Li Xie dahil sa ugali ni Mu Qi at itinatak niya sa kaniyang isipan na maganda na mapasama ito sa kaniyang mga kaibigan.
Nang makalampas sila roon ay kaagad din naman nila naramdaman ang pagyanig ng buong paligid at ang sunod na lamang nilang napansin ay nagsilingunan na ang mga naglalakihang puno sa kanila. Mayroon na itong mga mata, ilong at bibig.
"Trent!" sigaw naman ng isang magic user na siyang ikinatuwa nila.
Ang treant tree ay siyang pangunahing kagamitan sa paggawa ng mga stuff ng mga magic user. Sa ngayon ang mga magic user na mayroon lamang stuff ay siyang mga may matataas na estado sa lipunan. Alam nila na mayroon din si Li Xie ngunit hindi lang niya inilalabas at sa tingin din naman nila ito na ang tamang pagkakataon para rito.
"Ito na ang isa sa mga maga
