Nagbigay na lamang nang mahabang buntong hininga si Li Zu nang magising ito at napagtanto na nawalan siya nang malay sa harap ng kaniyang pamilya. Alam niya na nag-aalala si Li Xie at Li Dufeng sa kaniya kaya naman pinili na lamang niya na hindi ipakita ang kaniyang pag-aalala. Ganoon pa man, hindi ito nakaligtas kay Li Xie.
Bilang isang mamamatay tao noon sa dati niyang buhay, natutunan ni Li Xie at Li Muen kung paano magbasa ng ekspresyon ng mga tao. Natuto sila upang maprotektahan nila ang kanilang sarili sa mga hindi magandang pangyayari na hindi nila inaasahan. Alam ni Li Xie at Li Muen na ang ganoong trabaho ay walang kapatawaran at talagang manganganib at manganganib ang kanilang buhay lalo pa kung malalaman ng iba ang kanilang katauhan. Ganoon pa man, pinili at pinilit pa rin nama
